שקיעה-וויין

לאָז זיך אָפּ,

               און א וועג

וועט אנטפּלעקן זיך באלד.

ער וועט פירן אוועק

פון דעם יש און דעם אַיִן.

לאָז זיך אָפּ

               אויף דעם ברעג,

וווּ ס'איז ווינטיק און קאלט,

אז ס'איז ממש א שרעק

אָן א כוסעלע יין.

גיס אריין

             זיך אין מויל

פון דער שקיעה א שלונג –

זאָל זיין ווארעם און וואויל,

זאָלסטו רואיק שוין ווערן.

גיס אריין

            בעת א קויל

גייט אריין דיר אין לונג

און צעפּליעסקען דיך פויל

צווישן וועגווייזער שטערן.

נתב''ג תשע''ג